Kategorio: Ĝenerala

Donaco al la uzantoj kiuj volas Jetpack!
La kromprogramaro Jetpack estas plene tradukita. (Escepte la protokolon pri ŝanĝoj en versioj; kiu legas tion?)
Jetpack estas pako de moduloj kaj ebloj, de spertaj programistoj de WordPress. Ĉiu kromprogramo en la pako estas fidinda. Se ne ĝenas vin esti konektita al WordPress.com (por utiligi la servilojn de WordPress.com), se ekstera kolektado de statistikaĵoj pri via retejo ne ĝenas vin, tiu ĉi kromprogramaro estas alte taksita de…milionoj da uzantoj, eble ?
Mojosa eblo estas senfina rulumado. Se via etoso subtenas tion, viaj paĝoj daŭros senfine. Kiam leganto alproksimiĝas al la subo de la paĝo, plia enhavo estas ŝargita. Nu, legu pri la ebloj: https://eo.wordpress.org/plugins/jetpack/.
Bonvole redonu la bonfaradon: kiam vi vidos tajperaron aŭ stultaĵon, proponu ŝanĝon. cfmckee@gmail.com.

La plej nova versio de WordPress estis eldonita antaŭ 30 tagoj. Ekde tiam, personoj elŝutis la esperantlingvan pakaĵon por tiu versio 550 fojojn.
La plurlingviga kromprogramo qTranslate X nun estas plene tradukita:
eo.wordpress.org/plugins/qtranslate-x.
(Memoru donaci al la programistoj.)
Ĝi donas eblon aldoni tradukojn de la enhavo kaj starigi malsamajn retadresojn al viaj afiŝoj/paĝoj en tiuj lingvoj. Esperanto kaj la portugala estas la solaj tradukoj de la administra interfaco.
Se vi volas prizorgi tiun esperantigon aŭ esperantigon de alia kromprogramo aŭ etoso, kontaktu min Cindy aŭ gmail Cindy. Aŭ simple registriĝu ĉe wordpress.org kaj iru al la tradukilo GlotPress por poluri la tradukon. Se vi bezonos, mi tradukos la interfacon de la tradukilo por vi.
Bonvole plusendu tiun ĉi informon.

Ĉu vi scias ke kelkaj etosoj kaj manpleno da kromprogramoj estas en Esperanto? Akismet kontrolas komentojn, por helpi vin forviŝi trudaĵojn. Ĝi estas pakita kun WordPress kaj estas senpaga escepte por komercaj retejoj.
Kelkaj etosoj preparitaj de la WordPress-teamo ankaŭ estas kunpakitaj.
Sed aliaj estas haveblaj.

Por vidi listojn de esperantigitaj kromprogramoj kaj etosoj, iru al la pri-paĝo pri la esperantigo.

Vi vidos plejparte simplajn etosojn, sed la granda Parallax estas prilaborata.
Kromprogramo qTranslate X ebligas plurlingvecon de retejo. Tradukado de tiu kromprogramo daŭras.

WordPress iĝis la plej populara EnhavMastruma Sistemo en la mondo. Ĉe eo.WordPress.org vi povas ricevi tiun liberprograman pakaĵon senpage! Ĝi estas uzita por starigi memstaran retejon. Ni prilaboras ĝuste tiun pakaĵon. Ni ne laboras en wordpress.com.

WordPress.com
Unu el la fondintoj de la projekto WordPress, Matt Mullenweg, ankaŭ kreis firmaon Automattic, kiu lanĉis wordpress.com, komerca gastiganto de retejoj. WordPress.com starigas retejon por vi ene de sia propra reto. Vi rajtas ricevi blogon senpage aŭ pagi por retejo. Vi rajtas elekti inter pluraj aprobitaj etosoj kaj kromprogramoj. En la senpaga abono, vi ricevas 3GB da spaco por la alŝuto de dosieroj kaj bildoj, se ili estas aprobitaj dosiertipoj. Simila gastiganto estas weebly.com.

WordPress.org
Kontraste, se vi volas starigi sendependan retejon, se vi volas uzi programojn kaj servojn ne uzitajn de wordpress.com, vi probable volas lui spacon sur servilo. Servilo estas komputilo konektita al la interreto, permesanta, ke homoj rigardu la dosierojn en la komputilo.
En tiu servilo vi povas krei retejon. Retejo estas nur kolekto da dosieroj.
Estas multaj gastigo-servoj kiuj ofertas tion; aldone ili ofte starigas la sistemon WordPress, el WordPress.org, por vi. Ili ankaŭ inkluzivas starigon de la necesa datumbazo.
Ĉion ceteran vi devas fari.
Notu, ke ekzistas miloj da kromprogramoj por WordPress. Kromprogramoj donas pliajn eblojn al via retejo. Ili estas apartaj programoj, verkitaj de apartaj programistoj. Ili funkcias ene de WordPress.
Ĉu vi volas havi vendejon? socian reton? forumon? ĵurnalon?
Bone, sed elektu kromprogramon kiu ricevas oftajn ĝisdatigojn kaj bonajn recenzojn.

La kerna sistemo WordPress mem estas plene en Esperanto, kune kun la defaŭltaj etosoj kiuj venas en la pakaĵo.
Se vi volas kromprogramon aŭ etoson en Esperanto, kontaktu la teamon.

Versio 4.4 estas la plej granda eldono lastatempe.
Inter aliaj plibonigoj kaj enkondukoj de novaj ebloj, venas interesa nova eblo pli vaste publikigi viajn verkojn.
Versio 4.4 ebligas enkorpigon de viaj afiŝoj en retpaĝojn de multaj aliaj retejoj, danke al utiligo de la libera dosierformo oEmbed. Ekde nun WordPress estas provizanto de oEmbed, ne nur uzanto.
Do, vi povas enkorpigi afiŝojn el via retejo en aliajn WordPressajn retejojn. Simple enmetu ligilon (URL-on) en la tekstredaktilon. Ankaŭ, versio 4.4 aldonas subtenon por kvin novaj provizantoj de oEmbed: Cloudup, Reddit Comments/Komentoj, ReverbNation, Speaker Deck, kaj VideoPress.

Versio 4.1.2 de WordPress estas grava sekureca eldono. Ni konsilas vin ĝisdatigi viajn retejojn.
Versioj de WordPress pli malnovaj ol 4.1.2 havas sekurecan mankon kiu povus ebligi al kodrompisto enmeti malican skripton en la paĝojn de via retejo, por servi al viaj vizitantoj.
Kelkaj aliaj malpli urĝaj sekurecaj ‘truoj’ ankaŭ estis ŝtopitaj.

Do, antaŭ iom da tempo, mi (Cindio) ĉesis prilabori WordPress. Nun, en 2014, kelkaj personoj ektradukas ĉe GlotPress. Mi uzis SVN (subversion), do GlotPress estas nova afero, sed ŝajnas ke ĉiu registrita uzanto de WordPress rajtas proponi tradukfrazojn al tiu enreta tradukilo.
Por helpi tiun laboron, mi ekstraktis mallongajn frazojn el la traduk-dosiero de Gettext, eo.po kaj alŝutis komo-apartigilan liston por la bazo de glosaro. Tiu glosaro servu kiel gvidilo por terminoj.
Dankon!

Mi Esperantigis la etoson Tarski 2.7.1. Se vi volas provi tiun etoson, ŝutu ĝin al via dosierujo /wp-content/themes. Jen: cindymckee.com/tarski-eo-2.7.1.zip

Jes, ni fine tradukis version 3.0.1 kaj nun la testantoj testas kaj raportas pri lingvaj eraroj.

Se vi jam uzas Esperanton en via WordPress-a blogo, vi povas alŝuti la ĉefan tradukdosieron por la nova versio, 2.8: http://svn.automattic.com/wordpress-i18n/eo/trunk/messages/eo.mo
(metu tion en vian subdosierujon /languages, kiu estas subdosierujo de /wp-includes aŭ /wp-content)
Dankon al Kalle Kniivilä, pro la helpo!
Dum la sekvaj tagoj, eble mi trovos tempon traduki paĝojn kiuj ne ĉerpas de tiu dosiero, kaj etoson aŭ du.